Midûrê nû ya Iş Bank ê Burhan Denîz serdana şaredariya me kir û bi hevşaredarên me Sevîm Bîçîcî û Kadrî Esen re hevdîtin pêk anî.
Etiket: kurtce
Temîrkirina rêyên ku ji ber danîna boriyên gazê xera bûne li hemû navçê didomin. Di çarçoveya xebatan de, li kolana Ûmudê ya li taxa Ferîdûnê rêya ku xera bûyî ji aliyê ekîbên girêdayî Midûriyeta Karên Fenê ya şaredariya me bi asfaltê hatin tijekirin.
Xebatên me yên ji bo vekirinê rêyan û hêsankirina trafîqê berdewam dikin. Di vê çarçoveyê de qêrêdera me li gundê Şaho û Şêlima amûrên ku li ser rê astengiyan derdixin dide alî û rêyan sererast dike.
Ji aliyê Midûriyeta Karên Paqijiyê ya Şaredariya me ve, li Sîteya Pîşesaziyê xebatên paqijkirinê hat kirin.
Di çarçoveya xebatan de, copên li Sîteya Pîşesaziyê hatin berhevkirin û herêm hat paqijkirin.
Ekîbên şaredariya me ji bo ku ewlehiya trafîkê û bi taybetî li ber dibistanan ewlehiya xwendekaran zêde bikin kasîsên ji bo qutkirina lezê hatin bi cîhkirin.
Rayedarên şaredariya me diyar kirin ku girîng e şofêran leza xwe di bin kontrolê de bihêlin û rêwiyên peyayan bi ewle bihêlin. Rayedaran diyar kirin ku ji welatiyan bertekên erênî wergirtine û diyar kirin ku dê li herêmên din ên ku pêwîstî pê hebe jî wê pêkanînên bi vî rengî bên kirin.
Ji ajokaran hat xwestin ku li gor rêgezên trafîkê tevbigerin û dema ku nêzikî kasîsan dibin baldar bin.
Refuja li ser rê ya Farqîn û Amedê xebatên peyzajê didomin. Ekîbên Midûriyeta Park û Baxçeyan a Şaredariya me di çarçoveya xebatan da axa refujê sererast dikin û çîm datinîn. Di heman demê de xebat ji aliyê Hevşaredara me Sevîm Bîçîcî ve hatin kontrolkirin.
Bi xebatên ku didomin, armanc ew e ku refuj bêtir bê estetîk kirin û hêşîntir. Ekîbên me ji bo zêdekirina qadên hêşîn dê xebatên wiha bidomînin.
Civîna meha kanûnê ya Meclîsa Şaredariya me di bin serokatiya Hevşaredara me Sevîm Bîçîcî de bi rûniştina yekemîn dest pê kir.
Di çarçoveya 25’ê Mijdarê Roja Têkoşîna li Dijî Tundiya li Ser Jinê ya Cîhanê de li eywana konferansê ya şaredariya me semînerek bi navê “Tundiya Li Ser Jinê û Cûreyên Tundiyê” û “Zayenda Civakî ” hat lidarxistin. Di semînerê de ji aliyê Civaknas Naşîde Buluttekîn ve li ser tundiya li ser jinê, cureyên tundiyê û zayenda civakî agahiyên girîng hatin parvekirin.
Lîstika Şanoyê ya “Çalakîya Mal Çêkirî” li eywana konferansê ya şaredariya me hat leyîstin. Hevşaredara me Sevîm Bîçîcî û endamên meclîsa jin jî di nav de gelek jinan li şanoyê temaşe kir. Lîstika şanoyê bi dirûşmeyên “Jin, Jiyan azadî” bi dawî bû û Sevîm Bîçîcî kulîlk da şanogerên jin.
Li seranserê navçeya me û li gundan xebatên hilweşandina avahiyên metrûk ên ku nayên bikaranîn û hatine terikandin ku talûke jê çêdibin berdewam dikin. Di vê çarçoveyê da xaniyekî wêran ê ku li Taxa Selahattînê hebû, ji aliyê Midûriyeta Karê Fenê ya şaredariya me ve hat hilweşandin û kavilên wê hatin paqijkirin.