Etiket: kurtce

Personelên girêdayî Midûriyeta Karên Paqijiyê a Şaredariya me di çarçoveya xebatên paqijiyê da pêyarê û kolana Gaziyê şûştin û dezenfekte kirin.

Ji bo Farqîneke paqijtir, pêngava paqijiyê ya ku ji aliyê Midûriyeta Karên Paqijiyê ya me ve li seranserê navenda navçeyê hatiye destpêkirin, berdewam dike.

Pêngava paqijiyê ya ku ji aliyê Midûriyeta Karên Paqijiyê ya Şaredariya me ve li seranserê navenda navçeyê hatiye destpêkirin, berdewam dike. Di çarçoveya xebatan de li navçeya me, di kuçeyên taxên Baglar, Ferîdûn û Camîyê de û li derdora Birca Zembilfiroş û Derê Qulfa yê ên dîrokî xebata paqijiya giştî hat kirin. Berpirsiyarên Midûriyeta Karên Paqijiyê ya me diyar kirin ku berê li taxên Baxçelîevler, Yenîşehîr û Qeleyê xebatên paqijiya giştî hatine kirin û ji bo Farqîneke paqijtir ji welatiyên me jî piştgirî ji bo paqijiyê xwestin.

Şevên Fîlman ên Rindêxan, ku ji aliyê Midûriyeta Çand û Karûbarên Civakî ya Şaredariya me ve tê organîzekirin, bi lez û bez berdewam dike.

Di vê çarçoveyê de, roja Înê (2’ê Tebaxê 2024) saet 20:00’de, hemû gelê me vexwendî ye ku li Parqa Qada Bajêr skeçên komedî yên bi navê “Hinek Henek” temaşe bikin.

Ji aliyê Midûriyeta Karên Fenê ve li gunda paqijkirina zibilê ajalan ên kombûyî didome. Li gundên Sêdeqnê û Xerabguryan yên navçeya me zibilê ajalan ên kombûyî yên ku mêş û kêzik lê çêdibin, hat paqijkirin. Bermayiyên sewalan ên ji aliyê Midûriyeta Karên Fenê ve hatin komkirin li herêmeke dûrî bajêr hatin avêtin.

Koordînasyona Kontrola Xwarinê ya Şaredariya Mezin a Amedê, li navçeya me cîhên kar kontrol kirin û ji bo yekîneyên têkildar bi awayekî praktîkî şîrove kirin ka divê kontrol li qadê çawa bên kirin.

Ji aliyê Midûrîyeta Karên Paqijiyê ya Şaredariya me ve, li Taxa Baxçelievler xebatên paqijkirina giştî hatin kirin. Di vê çarçoveyê de, ji aliyê ekîbên girêdayî Rêveberiya Karên Paqijiyê ve, li hemû kuçeyên taxê bi awayekî giştî çop hatin berhevkirin. Midûrîyeta Karên Paqijiyê ya me diyar kir ku dê xebatên wan ji bo Farqînek paqijtir berdewam bikin û ji hemwelatiyên me xwest ku ew jî derdora xwe paqij bigirin.

Tîmên girêdayî Midûriyeta Zabita me, li seranserê navenda navçeya me li dijî heywanên bê xwedî yên ku ji nişka ve derdikevin kolanan û dibin sedema qezayan têdikoşin. Di vê çarçoveyê de heywanên ku derketibûn Kolana Amedê ji kolanê hatin dûrxistin, tîman xwediyên heywanan di vî warî de hişyar kirin û gotin ku divê heywanan berî derva nedin.