Ji aliyê Midûriyeta Karê Fenê ya Şaredariya me ve, hemama kevn a ku li Taxa Selahattinê û demeke dirêj bû ber bi hilweşandinê ve diçû û bûbû cihê bikaranîna madeyên hişber, hate hilweşandin. Ev gavê ku ji aliyê Midûriyeta Karê Fenê ya me ve hatiye avêtin, bi armanca zêdekirina ewlehî û aramiya hemvelatiyên taxê ye û armanc dike ku rewşên neyînî yên li herêmê asteng bike.
Di çarçoveya feraseta şaredariya civakî de, di civînên meclisa me ya meha Tebaxê de biryarên girîng ên ku dê siberoja navçeyê ava û xweş bikin, hatin girtin. Di civînên ku têde xizmetên nû yên ku dê qalîteya jiyana welatiyan li navenda navçeyê zêde bike, gelek xebatên nû hatin ragihandin. Ev biryar dê hem li navend û hem jî li gundên Farqînê hewcedariyên xelkê bi cih bîne û bibe sedema geşbûn û pêşveçûna navçeyê.
Ji bo Farqîneke paqijtir 2 kamyonên çopê û 500 konteynerên çopê hatin kirîn
Şaredariya me, ji bo xurtkirina xebatên paqijiyê li navçeyê, ji bo Midûriyeta Karên Paqijiyê 2 kamyonê nû yên çopê û 500 konteynerên çopê yên 770 lîtreyî kirîn. Ev amûrên nû hem li navenda bajêr û hem jî li gundan bi armanca Farqînek paqijtir dê bên bikaranîn.
Em ê dest bi xizmeta lênihêrîna li malê bikin
Bi biryara Meclisa me, ji bo kesên 60 salî û mezintir ên pîr, hewcedarî lênihêrînê û yên ku bi tenê dijîn, dê xizmeta lênihêrîna li malê bê dayîn. Di vê çarçoveyê de, şaredariya me ya ku armanc dike ku di demeke nêzîk de bi xebatên ku dê dest pê bikin, kalîteya jiyana pîran bilind bike, dest bi amadekariyên xwe kir da ku hûrgiliyên xizmetên lênihêrîna li malê diyar bike.
Em pîl û bermahiyên dermanên ku zirarê didin xwezayê kom dikin
Meclisa Şaredariya me, ji bo parastina xweza û ekolojiyê biryareke girîng girt. Li mizgeftên li gundan û navendê, dê qutî bên danîn ji bo berhevkirina pîlên kevn û bernamahiyên dermanan. Di vê çarçoveyê de, bermahiyên ku dê bi qutiyên ku li gundan bên danîn mehane bên berhevkirin, ji aliyê tîmên şaredariya me ve dê bên berhevkirin û bi awayekî ku zirarê nede jîngehê dê bên îmhakirin an jî di rewşên pêwîst de dê bên guhertin. Bi vê xebatê xweza dê bê parastin û ji nifşên pêşerojê re jîngeheke hêjayî jiyanê dê bê hiştin.
Navenda Şûştina Cilûbergan a Bêpere Tê Avakirin
Meclisa Şaredariya me, di çarçoveya têgihiştina şaredariya civakî de biryar da ku Navenda Şûştina Cilûbergan a bêpere bê avakirin. Bi navenda şûştina cilûbergan a ku dê li navçeyê bê avakirin, dê ji xwendekaran, jinên hewcedar û jinên pîr re xizmeta şûştina cilûbergan a bêpere bê pêşkêşkirin. Tê plankirin ku xizmet di demeke herî kurt de bê destpêkirin.
Dê navên Kurdî li gundan bên vegerandin
Wê li ser rêyên gundan dê tabelayên nû yên ku hem bi kurdî û hem jî bi tirkî navên gundan li ser in bên danîn. Ev gav, armanca parastina mîrateya çandî ya gundan û nîşandana civaka pirzimanî dihewîne. Tê plankirin ku tabelayên nû di demeke herî kurt de bên bicihkirin.
Şaredariya me qada berê ya ku wek bazara mast dihat zanîn, di encama xebatên hatin kirin de veguherand bazara berhemên gundan ku lê were firotin. Wê ev cih bi navê xwe yê nû “Bazara Berhemên Gundan” xizmetê bide xelkê navçeya me. Hem ji bo dikandaran hem jî ji bo welatiyan ev der hatiye sererastkirin û bûye qadek hîjyenîk.
Hevşaredarên me der barê xebata nûjenkirina bazarê de axivîn û wiha gotin: “Qada ku berê wek bazara mast dihat zanîn, êdî wê bibe bazarek modern a ku berhemên gundan û di xizmeta gelê me de be. Me vê veguherandinê ji bo firoşkarên xwe pêk anî da ku şertên wan ên bazirganiyê hin baştir bibin. Hem jî me ji bo welatiyên me ku dikaribin di hawirdorek paqij û birêkûpêk de danûstandina xwe bikin. Ji bo Farqînê wê bênavber xebatên me berdewam bikin.”
Li vê bazarê wê teşvîqa berhemên organîk û xwezayî yên gundan ji bo bên firotin, were kirin. Li bazarê ji sebze, fêkî, mast, penêr, şîr bigire heta her tiştên xwezayî û organîk wê bên peydakirin. Her wiha li bazarê ji bo standartên hîjyen binesazî jî hatiye amadekirin.
Personelên girêdayî Midûriyeta Karên Paqijiyê di çarçoveya xebatên paqijiyê da konteynirên çopê her tim dezenfekte dikin û dişon.
Ji bo ku Farqîna me xweşiktir bibe xebatên me dewam dikin.
Ji aliyê Midûriyeta Karên Paqijiyê ya Şaredariya me ve, li hin kolanên Taxa Selahettînê a navçeya me xebateke giştî ya paqijiyê hat kirin.
Piştî boriyên gazê yên ku ji aliyê Diyargazê ve hatine danîn, xebatên li ser kevirên rêyan ên xerabbûyî li kolanan berdewam dikin.
Di vê çarçoveyê de, rêyên xerabbûyî li Taxa Baglarê ji aliyê ekîbên girêdayî Midûriyeta Karên Fenê ya şaredariya me ve bi lez hatin çêkirin. Piştî xebatên Diyargazê, cihên xerabbûyî bi rêtina betonê hatin tijekirin.
Di heman demê de, li ser kolana Karabehlülbey a li navenda navçeyê, ji bo ku welatî bi rehetî bimeşin, li peyarêyê pêpelûkeke kurt hate çêkirin.
Hevşaredara me Sevîm Bîçîcî ku bi nûnerên jin ên rêxistinên sivîl û esnafên jin ên navçeya me re civiya, daxwazên jinan û zehmetiyên ku jin bi wan re rû bi rû ne guhdar kir. Hevşaredara me Sevîm Bîçîcî, bi baldarî jinan guhdar kir û destnîşan kir ku ew ê ji bo çareseriya van pirsgirêkan bi hev re bixebitin.
Hevşaredarên me Sevim Bîçîcî û Kadrî Esen, ji bo pirsgirêkên li gundên girêdayî navçeya me di cîh de tespît bikin, serdanên gundan didomin. Hevşaredarên me Sevîm Bîçîcî û Kadrî Esen ku bi feraseta şaredartiya gelparêz tevdigerin, bi welatiyên ku li gund û mezrayên weke Mala Zorê, Girbilok, Başbûg, Qurtê, Zerê, Xweşa, Qizlal û Deyîka dijîn re hatin gelhev.
Di vê çarçoveyê de di serdanên ku ji du aliyan ve pêk hatin de Hevşaredarên me bi rûniştvanên gundan re têkiliyên yekser danîn û pêdiviyên bingehîn ên gundan ên weke binesazî, av, rê û pirsgirêkên din ên herêmî di cih de lêkolîn kirin. Welatiyan diyar kir ku ji hatina Hevşaredaran a gundên wan û guhdarîkirina pirsgirêkên wan kêfxweş in.
Sevim Bîçîcî û Kadrî Esen, diyar kirin ku ji bo çareseriyên lezgîn û bibandor ji pirsgirêkên ku bi wan re rû bi rû ne re bibînin wê bi awayekî hevaheng bi beşên pêwendîdar re bixebitin. Hevserokên me bal kişandin ser girîngiya têkiliya rast e rast a bi gel re û ev tişt gotin: “Em ê bi nêzîkatiyeke hestiyar nêzî daxwazên gelê xwe bibin û xizmetên xwe yên çareseriyê berdewam bikin.”