Etiket: kurtce

Şaredariya me, li navçeyê dest bi tevgereke berfireh a paqijiyê kir. Ev kampanyaya paqijiyê ku dê nêzî 3 mehan bidome, dê bi panoyên reklaman û broşurên bi kurmancî, zazakî û tirkî were destekkirin û her wiha ji bo kampanyayê filmeke kurt hatiye amadekirin. Kampanya armanc dike ku hişmendiya jîngehê li navçeyê zêde bike û cihên jiyanê paqijtir bike.

Hevserokên Şaredariya me Sevim Biçici û Kadri Esen, ku li ber şaredariya me kom bûn û cilên ku li ser wan bi dirûşma “Paqij bike û bide paqijkirin” nivîsandî li xwe kiribûn, bi Hevserokê DEM Partiya Navçeya Farqînê Nazmî Ezer û rêveberên partiyê, endamên meclisa me, Serokê CHP’ê yê Navçeya Farqînê Îhsan Kizilkan, endamên Egîtîm Senê, nûnerên Odeyên Pîşesazî û dikandar, karkerên paqijiyê û welatiyan re li navçeyê kampanya paqijiyê dan destpêkirin.

Hevserokên şaredariya me û şandeya bi wan re ku ji ber avahiya şaredariyê dest bi paqijiyê kirin û li ser Cadeya Karabehulbey paqijî kirin û heta Cadeya Gazî ya navenda navçeyê hatin, li vir daxuyanî dan.

Di daxuyaniyê de Hevserokê Şaredariya me Kadrî Esen got: “Em wek şaredarî bi dirûşma ‘Paqij bike û bide paqijkirin’ dest bi kampanyaya paqijiyê kirin. Em gazî hemû gelê xwe dikin; di mijara paqijiyê de piştgiriya me bikin da ku em ji siberoja xwe re, ji zarokên xwe re bajarekî paqij û bi tendurist bihêlin. Kampanyaya me îro dest pê kir û dê 3 mehan bidome. Em ê hefteyê carekê dîsa bi hev re li cihekî cuda paqij bikin û bidin paqijkirin û em dixwazin ku têgihiştina paqijiyê pêk were.”

Hevseroka me Sevim Biçici jî spasiya hemû kesên ku ku di kampanyayê de xebat kirine kir û got: “Faqrîn welatê me ye. Cihê ku em lê dijîn e. Em ê paqij bikin û qirêj nekin. Ji ber vê yekê me kampanyaya xwe bi dirûşma ‘Paqij bike û bide paqijkirin”’ dest pê kir.” Bîçîcî di berdewamiya axaftina xwe de bang li jin û ciwanan kir û got: “Em dora xwe paqij bikin û xwedî li navçeya xwe derkevin.”

Di çarçoveya kampanyayê de, ji bo zêdekirina hişmendiya paqijiyê gelek amûr hatin amadekirin. Fîlm, panoyên reklaman û broşurên ku bi kurmancî, zazakî û tirkî hatine amadekirin, armanc dikin ku gel agahdar bike û hişmend bike. Şaredariya me, dê bi rêya van amûran gel li ser girîngiya paqijiyê agahdar bike û wan teşwîq bike ku beşdarî xebatên paqijiyê bibin.

Ev kampanyaya berfireh a paqijiyê ya şaredariya me, ne tenê dê paqijiya giştî ya navçeyê pêk bîne, her wiha armanc dike ku hişmendiya jîngehê zêde bike û di civakê de hesteke hevpar a berpirsiyariyê ava bike.

Ji bo parastina mafên bikarhêneran, li xwaringeh, kafe û pastexaneyên ên ku li navenda navça me dixebitin, kontrola etîketa bihayan hat kirin. Di kontrolên ku ji aliyê tîmên girêdayî Midûriyeta Zabîtaya me ve hatin pêkanîn de, hat kontrol kirin ka kargehên bazirganiyê li gorî rêziknameyên têkildarî etîketên bihayan tevdigerin an na.

Ekîbên me yên girêdayî Midûriyeta Zabitayê li firin û berhemên nan difroşin kontrola giraniya nan pêk anîn. Ekîban, hişyarî û agahî dan esnafan ku bi tundî şert û mercên paqijî û tenduristiyê bi cih bînin.

Li Taxa Baglarê, rêyên ku ji ber karên Diyargazê xera bûbûn, ji aliyê ekîbên girêdayî Midûriyeta Karên Fenê ya şaredariya me ve tên çêkirin. Di vê çarçoveyê de, li kûçê taxê kevirên parqe e ku hatibûn rakirin nû ve hatin raxistin û li hin deveran jî beton hat rijandin û kar hat temam kirin.

Ji aliyê Midûriyeta Karê Fenê ya Şaredariya me ve, hemama kevn a ku li Taxa Selahattinê û demeke dirêj bû ber bi hilweşandinê ve diçû û bûbû cihê bikaranîna madeyên hişber, hate hilweşandin. Ev gavê ku ji aliyê Midûriyeta Karê Fenê ya me ve hatiye avêtin, bi armanca zêdekirina ewlehî û aramiya hemvelatiyên taxê ye û armanc dike ku rewşên neyînî yên li herêmê asteng bike.

Di çarçoveya feraseta şaredariya civakî de, di civînên meclisa me ya meha Tebaxê de biryarên girîng ên ku dê siberoja navçeyê ava û xweş bikin, hatin girtin. Di civînên ku têde xizmetên nû yên ku dê qalîteya jiyana welatiyan li navenda navçeyê zêde bike, gelek xebatên nû hatin ragihandin. Ev biryar dê hem li navend û hem jî li gundên Farqînê hewcedariyên xelkê bi cih bîne û bibe sedema geşbûn û pêşveçûna navçeyê.

Ji bo Farqîneke paqijtir 2 kamyonên çopê û 500 konteynerên çopê hatin kirîn

Şaredariya me, ji bo xurtkirina xebatên paqijiyê li navçeyê, ji bo Midûriyeta Karên Paqijiyê 2 kamyonê nû yên çopê û 500 konteynerên çopê yên 770 lîtreyî kirîn. Ev amûrên nû hem li navenda bajêr û hem jî li gundan bi armanca Farqînek paqijtir dê bên bikaranîn.

Em ê dest bi xizmeta lênihêrîna li malê bikin

Bi biryara Meclisa me, ji bo kesên 60 salî û mezintir ên pîr, hewcedarî lênihêrînê û yên ku bi tenê dijîn, dê xizmeta lênihêrîna li malê bê dayîn. Di vê çarçoveyê de, şaredariya me ya ku armanc dike ku di demeke nêzîk de bi xebatên ku dê dest pê bikin, kalîteya jiyana pîran bilind bike, dest bi amadekariyên xwe kir da ku hûrgiliyên xizmetên lênihêrîna li malê diyar bike.

Em pîl û bermahiyên dermanên ku zirarê didin xwezayê kom dikin

Meclisa Şaredariya me, ji bo parastina xweza û ekolojiyê biryareke girîng girt. Li mizgeftên li gundan û navendê, dê qutî bên danîn ji bo berhevkirina pîlên kevn û bernamahiyên dermanan. Di vê çarçoveyê de, bermahiyên ku dê bi qutiyên ku li gundan bên danîn mehane bên berhevkirin, ji aliyê tîmên şaredariya me ve dê bên berhevkirin û bi awayekî ku zirarê nede jîngehê dê bên îmhakirin an jî di rewşên pêwîst de dê bên guhertin. Bi vê xebatê xweza dê bê parastin û ji nifşên pêşerojê re jîngeheke hêjayî jiyanê dê bê hiştin.

Navenda Şûştina Cilûbergan a Bêpere Tê Avakirin

Meclisa Şaredariya me, di çarçoveya têgihiştina şaredariya civakî de biryar da ku Navenda Şûştina Cilûbergan a bêpere bê avakirin. Bi navenda şûştina cilûbergan a ku dê li navçeyê bê avakirin, dê ji xwendekaran, jinên hewcedar û jinên pîr re xizmeta şûştina cilûbergan a bêpere bê pêşkêşkirin. Tê plankirin ku xizmet di demeke herî kurt de bê destpêkirin.

Dê navên Kurdî li gundan bên vegerandin

Wê li ser rêyên gundan dê tabelayên nû yên ku hem bi kurdî û hem jî bi tirkî navên gundan li ser in bên danîn. Ev gav, armanca parastina mîrateya çandî ya gundan û nîşandana civaka pirzimanî dihewîne. Tê plankirin ku tabelayên nû di demeke herî kurt de bên bicihkirin.